skip to Main Content
Kontratazioa: management@enkore.eu · 659 97 58 20
bio1

Enkore 2009an Bilboko Errekalde auzoan sortutako rock talde gaztea da. Lehenengo urte bietan EP bi (m.k.t. eta Z.K.H.) eta single bat kaleratu zituzten, eta 2012an argia ikusi zuen “Faktore Komunak” euren lehenengo diskoak. 2014an “Kanala” albuma kaleratu zuten eta 2015an “E”,taldearen hirugarren diskoa. 2017an “Hegan II” izeneko singlea aurkeztu zuten, eta 2018an euren azkeneko kantua kaleratu dute: “Dana”.

Hasierako urteetan hainbat sari irabazi zituzten, XX. Gaztea Maketa Lehiaketa, besteak beste; eta Euskara eta Euskal Herria ordezkatu zuten Europa mailan “Liet International ” eta “Endangeraged Music Festival” musika jaialdietan.

Kantu arrakastatsu asko egin dituzte: “Gure ereserkia”, “Muxurik muxu”, “Airea”, “Ozen Oihukatu”, “Zerua”, “Bihotz ezkutua”, “Hegan”… Abestiok Gaztea irratiko Top Gaztea zerrendaren goreneko postuak bereganatu dituzte, entzuleen botoei esker.

Haien ibilbide laburrean euskal eta europar agertokian lekutxo bat egiten joan dira nazioarte mailako eszenatoki esanguratsuenetarikoak zapalduz (BBK Live, Fábrica Emídio da Silva Raposo, Ciudad de la Cultura Xixón, The Water Rats London, Lo Submarino de Reus, Hare & Hounds Birmingham,Euskal Herriko plaza nagusiak…).

Momentu honetan “DANATour” biran murgilduta daude, eta, 2019ari begira, taldearen X. urteurrena prestatzen ari dira.

Taldekideak:

Xabi Hoo: Ahotsa
Urtzi Iza: Gitarra
Aitor Gallastegui: Baxua
Alvaro Olaetxea: Bateria

Back To Top